Tag Archives: ახალი წელი

ორიათასცამეტი

31 დეკ

ვდგავარ ფარჯარასთან, ვფრცქვნი მანდარინს და მახსენდება, რომ რამდენიმე წლის წინ, ზუსტად ამ დღეს და ამ დროს გაიხსნა ეს ბლოგი…
მეღიმება და მახსენდებიან ვიღაცები…

ფანჯრის ანარეკლზე მოციმციმე შუქები თამაშობენ…
10, 9, 8, 7, 6, 5, 4, 3, 2, !!!1!!!

Marie Santa

გაიზ, გილოცავთ 2013-ის დადგომას!

 

 

Advertisements

ძველი და ახალი

26 იან

დრო, ეს სიკვდილია, რომელიც საათებში იმალება

ჩვეულებრივ, წლის ბოლოს ბლოგებზე მიმავალი წლის შემაჯამებელი პოსტები იდება ხოლმე. ახალი წლის პირველი თვე იწურება და ირმის ნახტომზე კი მაინც სიცარიელეა. ღირს კი შევსებად?

ის 1 წელი
ყველასგან განსხვავებული ძველი წელი არ ყოფილა, მაგრამ ახალი ნამდვილად იყო. იყო და ახლა უკვე ძველია, მაგრამ რაც ძველში მოხდა ის მაინც ახალში გადადის და მომავალ ახალ წლამდეც  კიდევ ბევრჯერ
შემახსენებს/შეგვახსენებს თავს…

ურთიერთობები…
მათ ისევ ვიღაც მესამეს თვალით ვუყურებ. ვგრძნობ, თუმცა… რაც გარეთ გამოდის ის შიგნიდან აღარ გაწუხებს, მაგრამ შემდეგ ეს სიცარიელე უნდა შეავსო.
შენ ვერასოდეს მოიკრებ ძალას, რომ ჩემთვის იბრძოლო, მითხრა მან და დამტოვა. დამტოვა და სუნთქვა შემინელდა… შემინელდა, მაგრამ არ შემიწყვიტავს.
არა, მარტოობას არ ვგრძნობ. ერთია, როცა ყველას იშორებ და დამლაპარაკებელი არავინ გყავს შემდეგ გიყვარდება ყველა.
ამჯერად შენ  შემიყვარდი.

2 უკიდურესობა
ისევ დამრჩა. ან ზედმეტად მიწიერი ან სამყაროს მოწყვეტილი. მაინც ვერ გადავწყვიტე.

მრავალწერტილები
ვცდილობ მათი გამოყენება მინიმუმანდე დავიყვანო და მხოლოდ ერთი წერტილის დასმა ვისწავლო. ისევ მიყვარს ადამიანები,  რომლებიც თავად ქმნიან საკუთარ თავს.

ეს 1 წელი
მივდივარ მისკენ, რომ Me vs Me შევცვალო I and I-თი… და ისევ ეს წყეული მრავალწერტილები, თუმცა ზოგჯერ ისინიც  ხომ ასე საჭიროა…

თოვლის გარეშე

2 იან

შეგიძლიათ ადამიანის მოკვლა? ან ბოლომდე აცნობიერებთ რა არის სიკვდილი?

რის გამო შეგიძლიათ საერთოდ ადამიანის მოკვლა?

დაფიქრებიხართ ამაზე ოდესმე? მე ძალიან ხშირად. ბოლო დროს კი უფრო ხშირად. ადრე მეგონა, რომ თუ ადამიანს სიკვდილი არ უნდოდა, მაშინ არ მოკვდებოდა. როგორ ვცდებოდი. რა უფლება აქვს ერთ ადამიანს მეორეს სიცოცხლე წაართვას? მკვლელობა უნდა ისჯებოდეს სიკვდილით! მეტიც, თან წამებრივი სიკვდილით!

თუ ოდესმე ადამიანს მოვკლავ, მხოლოდ შურისძიების გამო. ერთხელ, ძალიან პატარა ვიყავი მაშინ (ჯერ კიდევ როდის ვფიქრობდი ამაზე) რომელიღაც მორიგი ამერიკული ფილმის შთაბეჭდილებების ქვეშ მყოფმა მეგობარს ვკითხე, რას იზამდი ვინმე რომ მოვიდეს და შენთვის საყვარელ ადამიანებს რამე დაუშავოს (ფიზიკურად) ან საერთოდ დახოცოსთქო. გაკვირვებულმა შემომხედა, მგონი ვერც გააცნობიერა საერთოდ რას ვეკითხებოდი. მე კი ზუსტად ვიცოდი, რომ იმ ადამიანს ხელის აუკანკალებლად მოვკლავდი! თან მისი მოკვლის სცენა ძალიან სასტიკი იქნებოდა. სხვა შემთხვევაში რატომ უნდა მოკლა ადამიანი?

29 დეკემბერია. დილით ადრე იღვიძებ. იცვამ და მიდიხარ სამსახურში. რამოდენიმე დღეში ახალი წელია. შენ უკვე იცი, რომ ახლა სახლიდან გახვალ და ვეღარ დაბრუნდები. ვეღარ დაბრუნდები იმიტომ, რომ 3 დღე-ღამე გიწევს მუშაობა და ახალ წელსაც სამსახურში უნდა შეეხვდე. გზაში შენს 2 შვილზე ფიქრობ. 2 ბიჭზე. 20 წელზე მეტია უკვე მათზე ფიქრობ და იცი მათთვის ყველაფერს გააკეთებ.  აი, პოლიციის შენობის წინ გზას კვეთ და სამსახურში შედიხარ. 29 დეკემბერი… 30 დეკემბერი… 31 დეკემბერი…

ახალ წლამდე თითზე დასათვლელი წუთები რჩება. ყველგან მაშხალებს ისვრიან. რამოდენიმე საათში კი შენს უსიცოცხლო სხეულს პოულობენ. შენ მკვდარი ხარ. თავში ერთი გასროლით. გასროლა უკნიდან მოხდა. თავზე უბრალოდ იარაღი მოგადეს და სასხლეტს თითი გამოჰკრეს. დაგეგმილად, გამიზნულად, ცივსისხლიანად მოგკლეს.

რატომ? არავინ იცის.

ვინ? მითუმეტეს არავინ იცის!

დაკითხვები, დაკითხვები, დაკითხვები. შენს საქმეზე თითქმის 20 გამომძიებელი ერთდროულად მუშაობს და მერე? ეს საქმის ვითარებას ცვლის? შენ ქმარს კი დასაკითხად მეორე დრეს ძლივს აფხიზლებენ…

ხვალ სახლში მაინც დაბრუნდები. დაგაბრუნებენ, რომ მერე სამუდამოდ წაგიყვანონ…

P.S. შეიძლება გამოძიების დასრულებამდე არ უნდა დამეწერა, მაგრამ გულში ვეღარ დავიტიე. ან საერთოდაც არ უნდა დამეწერა…

31.12.2010 or Santa Imperial Troopers

31 დეკ


რამოდენიმე საათში ახალი წელია მე კი ახალ ბლოგს ვხნი. რაღაც მაინც დავიტოვე ძველ წელთან. რატომ დავხურე ძველი? იმიტომ! იქნებ ესეც დავხურო ასე ჯერ გაუხსნელად… არ ვიცი. ვნახოთ, რას გავაკეთებ ისეთს, რომ ჩემი წელი გახდეს! თეორიულად, თუ ცაგარელს და მის ვარსკვლავებს დავუჯერებთ, ისედაც ჩემია!..

%d bloggers like this: