Archive | კოსმოსიდან მოსული წერილები RSS feed for this section

ძვირფასო კუპერ

9 აგვისტო
adrenachromedreams-twin flames

Nothing looks the same when your eyes are open

. . .

გავხსენი ბლოგი და მინდოდა დამეწერა. ავტორიზაციის გავლამდე აზრი გამეყინა. მიეკრო ტვინის შორეულ უჯრედს და ისე გაქრა თითქოს შავ ხვრელში გაუჩინდარდა. გრავიტავიას ვერ ვერევი რომ იქიდან ამოვიღო, ვერანაირ სინათლეს ვერ ჩავაღწევინე იქ დაკარგული აზრების ამოსაღებად. მე ასე მასწავლეს, რომ შავი ხვრელი წარმოიქმნება მაშინ, როდესაც რომელიმე გიგანტური ვარსკვლავი ამოწურავს თავის ენერგიას და მოკვდება. ალბათ ჩემ ცხოვრებაშიც ასეთი ვარსკვლავი მომიკვდა.

ძვირფასო კუპერ, ნეტა გეცალოს ჩემთვის, მაგრამ სამყარო გაქვს გადასარჩენი.

არაფერია ისეთივე, აღარც მე. გამოვიფიტე. ადამიანებმა… გამოვიფიტე.

აღარც ის ადამიანები არიან ჩემ ცხოვრებაში. გაქრნენ. გავაქრე. დროს გაყვნენ.

არც ტკივილი დამრჩა.

სინანულმაც დამტოვა.

Advertisements

საუზმე პლუტონზე

7 ნოე

თავი მეცხრე

“ჩვენ თავს საზღვრის რაინდებს ვუწოდებთ. ჩვენში კოსმოსური დრო გრძელდება…
ფაზა, როცა ასტრალურ შოსეს ხედავ.

…მხოლოდ ერთ საზღვარს აქვს მნიშვნელობა. საზღვარი იმასთან რაც წინაა და საზღვარი იმასთან რაც უკანაა.
ჩვენ წარსულიდან მომავალში ვმოგზაურობთ მეგობართან ერთად, რომელიც უკანა სავარძელზე ზის. არ აქვს მნიშვნელობა ქალია თუ კაცი. ჩვენ აღმოვჩნდებით ვარსკვლავებზე, გავისეირნებთ მარსზე და ვისაუზმებთ პლუტონზე. პლუტონზე, გამოუცნობ პლუტონზე, მას სახელი დაარქვა ედუარდ ჩარლზ პიკერინგმა, მიწისქვეშა სამყაროს ღმერთის პატივსაცემად.”

ნაწყვეტი ფილმიდან: 

ირმის ნახტომი

27 იან

ირმის ნახტომი არის გალაქტიკა, გიგანტური ვარსკვლავური სისტემა, რომელშიც ჩვენი მზის სისტემა, ასევე ყველა შეუიარაღებელი თვალით ხილული ვარსკვლავი, პლანეტა და ციური სხეული მდებარეობს; დაკვირვებადი სამყაროს მილიარდობით გალაქტიკიდან ერთ-ერთი.

რატომ ირმის ნახტომი?

გალაქტიკა ყოველთვის მიზიდავდა. რაღაც ამოუცნობი მითრევს ცისკენ და მეც მივფრინავ. სიზმრებშიც ძალიან ხშირად მიფრენია. საოცარი გრძნობა.

ირმის ნახტომი სხვადასხვა ენაზე

  • არაბ. درب التبانة‎‎ (დარბ ალ-თაბანა) ნიშნავს „რძიან გზას“.
  • ბას. Esne bidea, ლათინურიდან.
  • ბერძნ. Γαλαξίας κύκλος (გალაქსიას კიკლოს) „რძიანი რკალი“, მითიდან.
  • ბოსნ. Mliječni Put, „რძიანი გზა“, თარგმნილია ლათინურიდან.
  • ბულგ. Млечен Път, „რძიანი გზა“, თარგმნილია ლათინურიდან.
  • გერმ. Milchstraße „რძიანი გზა“.
  • დან. Mælkevejen „რძიანი გზა“.
  • ებრ. שביל החלב „რძიანი გზა“.
  • ესპ. Via láctea „რძიანი გზა“, თარგმნილია ლათინურიდან.
  • ესპ. Camino de Santiago „სანტიეგოს გზა“.
  • ესტ. Linnutee „ჩიტების გზა“, მითიდან.
  • ვიეტ. Ngân Hà „ვერცხლის მდინარე“, თარგმნილია ჩინურიდან.
  • თურქ. Samanyolu „ჩალის გზა“
  • იაპონ. 天の川 (ამანოგავა) „სამოთხის მდინარე“
  • ინგლ. Milky Way, „რძიანი გზა“, თარგმნილია ლათინურიდან.
  • ინდო. Bima Sakti „ჯადოსნური ბიმა“, ეპიკური პოემის მაჰაბჰარატას გმირი.
  • ირლანდ. Bealach na Bó Finne, „პატიოსანი ძროხის გზა“, ან Slabhbra Luigh, „ლუგის ჯაჭვი“
  • ისლ. Vetrarbrautin „ზამთრის გზა.“
  • იტალ. Via Lattea „რძიანი გზა“, თარგმნილია ლათინურიდან.
  • კატ. Via Làctia „რძიანი გზა“, თარგმნილია ლათინურიდან.
  • კატ. Camí de Sant Jaume, „სანტიეგოსკენ მიმავალი გზა“.
  • კორ. 은하 (ეუნჰა) „ვერცხლის მდინარე“, ჩინურიდან, ან „미리내“ (მირინაე) წმინდა კორეულზე. ირმის ნახტომს სპეციფიკურად უწოდებენ 우리 은하 (ური ეუნჰა) „ჩვენი გალაქტიკა“.
  • ლათ. Via Lactea „რძიანი გზა“, თარგმნილია ბერძნულიდან.
  • ლატვ. Putnu Ceļš „ჩიტების გზა“
  • ლიტვ. Paukščių Takas „ჩიტების გზა“
  • მალ. Bima Sakti „ჯადოსნური ბიმა“, ეპიკური პოემის მაჰაბჰარატას გმირი.
  • მალტ. It-triq ta’ Sant’ Anna „წმინდა ანას გზა“
  • ნიდერლ. Melkweg „რძიანი გზა“, თარგმნილია ლათინურიდან.
  • ნორვ. Melkeveien „რძიანი გზა“ (Bokmål, მოდის დანიურიდან)
  • ნორვ. Vinterbrauta „ზამთრის გზა“ (Nynorsk, ისლანდიურიდან გამომდინარე)
  • პოლ. Droga Mleczna „რძიანი გზა“, თარგმნილია ლათინურიდან.
  • პორტ. Estrada de Santiago, „სანტიაგოს გზა“ (გამოიყენება მარტო ევროპულ პორტუგალიურში)
  • პორტ. Via Láctea „რძიანი გზა“, თარგმნილია ლათინურიდან.
  • რუმ. Calea Lactee „რძიანი გზა“, თარგმნილია ლათინურიდან.
  • რუს. Млечный путь „რძიანი გზა“, თარგმნილია ლათინურიდან.
  • სერბ. Mlečni put „რძიანი გზა“, თარგმნილია ლათინურიდან.
  • სერბ. Млечни пут „რძიანი გზა“, თარგმნილია ლათინურიდან.
  • სლოვაკ. Mliečna dráha „რძიანი გზა“, თარგმნილია ლათინურიდან.
  • სლოვენ. Rimska cesta „რომის გზა“, რადგან პილიგრიმები მიყვებოდნენ მას, როდესაც რომისკენ მიემგზავრებოდნენ.
  • ჩეხ. Mléčná dráha „რძიანი გზა“, თარგმნილია ბერძნული, ან ლათინურიდან.
  • სომხ. Յարդ զողի Ճանապարհ (ჲარდ გოღი ჭანაპარჰ) „ჩალის ქურდის გზა“, მოდის მითიდან.
  • ტაი ทางช้างเผือก „თეთრი სპილოს გზა“.
  • უელს. Llwybr Llaethog „რძიანი გზა“, თარგმნილია ლათინურიდან.
  • უკრ. Чумацький шлях „ჩუმაკის გზა“.
  • უნგრ. Hadak Útja „მეომართა გზა“, მითიდან. თუმცა ეს ისტორიული სახელწოდებაა, ახლა ის ცნობილია, როგორც Tejút, ნიშნავს „რძიან გზას“.
  • ფარ. Vetrarbreytin „ზამთრის გზა“.
  • ფინ. Linnunrata „ჩიტების გზა“, მითიდან.
  • ფრანგ. La voie lactée „რძიანი გზა“.
  • ქართ. ირმის ნახტომი
  • შვედ. Vintergatan „ზამთრის ქუჩა“, რადგან ის სკანდინავიის ზამთარს უკეთ ჩანს და ჰგავს დათოვლილ ქუჩას.
  • ჩერ. ᎩᎵ ᎤᎵᏒᏍᏓᏅᏱ (გილი ულისვსდანი) „გზა, სადაც ძაღლი გაიქცა“, მითიდან.
  • ჩინ. 銀河 „ვერცხლის მდინარე“.
  • ხორ. Mliječni Put „რძიანი გზა“, თარგმნილია ლათინურიდან. ტრადიციულად უწოდებენ Kumova Slama „მამაღმერთის ჩალა“
  • ჰინ. आकाशगंगा (აკაშაგანგა) „სამოთხის განგი“, მითიდან.

‎”ირმის ნახტომის” გარდა მე ყველაზე მეტად მომწონს “ჩიტების გზა” და “ვერცხლის მდინარე”. ზამთარზეც კარგი ინტერპრეტაციებია, მაგრამ გალაქტიკისთვის მხოლოდ ზამთარი არ მხიბლავს…

ჰედერი ასეო, ჰედერი ისეო

27 იან

 აი, მიილია ეს საახალწო დღეებიც, ჩემი ტირილისა და მუდარის მიუხედავად ნაძვის ხეც აიღეს, მე კი ჰედერი მაქვს შესაცვლელი… ოოოო, როგორ არ მინდა! ისე მომწონდა ჩემი საახალწლო ჰედერი. ეს საახალწლო განწყობაც რომ ჯერ კიდევ ვერ მოვიშორე. თან 2 დღის წინ კოლმეურნებაზე ჯერ კიდევ შევამჩნიე ერთი ცნობილი ბრენდის, ცნობილი რეკლამის აბრა, აგერ უკვე წლებია ყველასთვის ცნობილი ადგილიდან მათი ცნობილი თოვლის ბაბუა მიყურებდა, ჰოდა გადავწყვიტე, რომ ეს კარგი მიზეზი იყო და მეც ჰედერის შეცვლა რამოდენიმე დღით გადავდე.

დღეს ადრე გავიღვიძე, ჩემი ლამაზი თვალები გავახილე და აღმოვაჩინე, რომ საახალწლო განწყობა გვერდით აღარ მეწვა. მობილურს ვეცი და სასწრაფოდ მისი ნომერი (2011) ავკრიფე, მაგრამ მხოლოდ გაურკვეველი სიჩუმე მივიღე. ამ სიჩუმეში სხვა ხმა ჩამესმა, რომელიც ამბობდა, რომ რამდენიც არ უნდა აბაკუნო შენი ლამაზი ფეხები, დრო მაინც არ დაგელოდებაო. კალენდარს დავხედე და იანვარიც ასე უთოვლოდ მეპარებოდა. საშინლად გავბრაზდი! ეგრე არ უნდა მეთქი და ლეპტოპი ჩავრთე ჰედერის შესაცვლელად!

ინებეთ ბატონო!

პანორამა

 ეს არის რძიანი გზის (ირმის ნახტომი) 360 გრადუსიანი ღამის ცის პაორამული ხედი, ESO-ს ყველაზე დიდი ტელესკოპის, Paranal პლატფორმის თავზე. სურათი გაკეთებული იყო 37 ინდივიდუალური კონსტრუქციით.

მიწისძვრა დღეს

19 იან

როგორც უკვე ყველა გაიგებდით ან შეიგრძნობდით დღეს საქართველოში მიწისვრა მოხდა. ეპიცენტრი ქალაქ ვანიდან სამხრეთ-აღმოსავლეთით მე-18 კილომეტრზე, საირმიდან კი მე-7 კილომეტრის მოშორებით დაფიქსირდა. მიწისქვეშა ბიძგების სიმძლავრე დაახლოებით 5.8 ბალს აღწევდა. სეისმოლოგიის ცენტრმა  განაცხადა, რომ  მიწისძვრა 1 საათის განმავლობაში უკვე 4-ჯერ დაფიქსირდა, ვინაიდან ეს ძლიერი მიწისძვრის შემდგომ თანმდევი პროცესია. პირველი  მიწისძვრა დაახლოებით 13:17 წუთზე დაფიქსირდა და ის იყო 5.8 მაგნიტუდის სიმძლავრის, შემდეგ 13:51 წუთზე – 14.2 მაგნიტუდის სიმძლავრის და ბოლო – 14:3 წუთზე 4.1 მაგნიდუდის სიმძლავრის. ჯერ-ჯერობით მიწისქვეშა ბიძგებს ნგრევა ადგილზე არ მოჰყოლია და ადგილობრივ მოსახლეობაში არ არიან დაშავაბულები.

თეა გოდოლაძის (ილიას სახელმწიფო უნივერსიტეტის დედამიწის შემსწავლელ მეცნიერებათა ინსტიტუტის დირექტორის მოადგილე) განცხადებით იგი განეკუთვნებოდა საშუალო სიძლიერის მიწისძვრებს, მაგრამ იგი ლოკალურად იგრძნობოდა საკმაოდ ძლიერად და ამჯერად იგი 2002 წლის მიწისძვრაზე უფრო ძლიერი იყო.  სეისმოლოგიის ცენტრის თხოვნაა ადგილობრივმა მოსახლეობამ, ვისაც ინტერნეტთან ხელი მიუწვდება, შეავსოს კითხვარი, რომლის მიხედვითაც უფრო ადვილად დადგინდება რა იყო მიწისძვრის გამომწვევი მიზეზები. თავად სეისმოლოგიური ცენტრის თანამშრომლები კი გაემგზავრებიან ქუთაისში რათა 2 კვირის განმავლობაში ადგილზე, უფრო დაწვრილებით შეისწავლონ ყველაფერი.

სიმშვიდეა თბილისში. აქ მიწისქვეშა ბიძგები ნაკლებად საგრძნობი იყო და საგანგებო სიტუაციების სამსახურს გამოძახებები არ ჰქონიათ.

ეს ბოლო დროს დაფიქსირებული მიწისძვრებია.

ჩაიფიქრეთ

14 იან

პირველში არავისთვის მომილოცავს და ახლა გილოცავთ! ჩავიფიქროთ რაღაცეები, დავწეროთ და შევინახოთ რომელიმე წიგნში. წელს რომელში ჩავდო ნეტა… ვითომ ამასაც მნიშვნელობა აქვს? ან რამოდენიმეში ერთად რომ ჩავდო ასრულების შანსი გაიზრდება? Anyway, უკვე წარმომიდგენია მომავალ წელს როგორ გავსხნი და ჩავხედავ ამ ფურცელს, იქნებ ოდნავ გულიც ამიჩქარდეს, იმედია წნევა არ დამივარდება… უმრავლესობა რაც მიწერია და ახლა მნიშვნელოვანი მგონია 1 წლის მერე დარწმუნებული ვარ საერთოდაც აღარ მაინტერესებდეს. უმრავლესობა შეიძლება არც მახსოვდეს. შეიძლება კი არა, ნამდვილად აღარ მემახსოვრება. თუმცა, არის რამოდენიმე პუნქტი, რომლებიც ნამდვილად არ დამავიწყდება (იმედი მაქვს ამის დიდი) და არც მნიშვნელობას არ დაკარგავს. უფრო მეტიც, სიამოვნებით დაველოდები მომავალ (2012 !) წელს. 

პ.ს. თოვლი მაინც არ გვეღირსა.

ვიზიტორები

3 იან

აი, ზიხარ ეხლა ოთხში მარტო, შუქები სასიამოვნოდ ციმციმებს. ხელში ახალი წლის მერე შემორჩენილი ჭიქა გიჭირავს შამპანურით და გახსენდება რას გრძნობდი მაშინ, როდესაც ეს ბოთლი გაიხსნა. ჯერ კიდევ შარშან, ფაქტიურად 1 წლიანი დაძველებითაა. რა მარტივად იცვლება ყველაფერი. 1 წელი. რა მაარტივად წარმოსათქმელია და რა ძნელი გასავლელია. რამდენი რამე შეიძლება მოხდეს 1 წელში. ძალიან ბევრი. ან ძალიან ცოტა. გააჩნია რა კუთხით შეხედავ. თუმცა რა კუთხითაც არ უნდა შეხედო შენ თავს მაინც ვერსად გაექცევი. შეუძლებელია 1 წელი გავიდეს და შენში არაფერი შეიცვალოს. შეიძლება 1 დღეში, საათში და წუთშიც კი შეიცვალო, არა თუ წელში. მე ვგულისხმობ შენ ემოციებს. ემოციებს, რომელთაც გინდა თუ არა მაინც განიცდი. აღმაფრენა და  ტკივილი, ისევ აღმაფრენა, მერე ტკივილი, სიცარიელე, სასოწარკვეთა, ისევ აღმაფრენა და ისევ ტკივილი და ასე უსასრულოდ… ან სულაც რამოდენიმე გრძნობა ერთდროულად. იმედია არ გაგიკვირდება ეს ბოლო ფრაზა.

ცოტა ხნის წინ ვუყურე ერთ ფანტასტიკას, სახელად ვიზიტორები. ვიზიტორები, ისინი უცხო გალაკტიკიდან ჩამოფრენილი ხვლიკის მსგავსი არსებები არიან, რომლებიც გამოიყურებიან როგორც ადამიანები, იქცევიან როგორც ადამიანები, მაგრამ არ გრძნობენ ისე, როგორც ადამიანები. ისინი საერთოდ არ გრძნობენ, არაფერს განიცდიან, არანაირ ემოციას. ამის გამო ადამიანებით მანიპულირება თავისუფლად შეუძლიათ. შემდეგ კი ზოგიერთი მათგანი, რომელიც ადამიანთა საზოგადოებაში წლებს ატარებს იძენს ემოციებს. მათსავით უხარია და მათსავით სტკივა. ამ გრძნობების გამო ისინი ყველაფერზე წამსვლელნი არიან, თუნდაც თავიანთი სიცოცხლის ფასად. მე კი რას არ ვიზამდი მათგან თავის დასაღწევად. ისინი ხომ ყველაფრეს ართულებენ.

რა არის უკეთესი თქვენთვის, იყო ემოციური და თუნდაც იტანჯებოდე თუ არ განიცდიდე არაფერს. იყო უემოციო ადამიანი ნუთუ ცუდია?! არ გრძნობ ტკივილს, არც იმედგაცრუებას. მხოლოდ სიწყნარე და სიმშვიდეა შენს გარშემო, სხვა არაფერი. ვერ ფავიჯერებ, რომ არ გინატრიათ არსდროს ყოფილიყავით უემოციო. ყველაფერი როგორ წამიერად გამარტივდებოდა. არ გრძნობდე არაფერს სულაც არაა ცუდი.

და მაინც, თუ არ მეთანხმებით, მაშინ რამდენად ემთხვევა თქვენი გულის ფიქრი და მოქმედება ერთმანეთს? თუ გინდათ გრძნობდეთ ყველაფერს, მაშინ რატომ არ იქცევით თქვენი გრძნობების შესაბამისად?

%d bloggers like this: